Agurain-Salvatierra, hiribildua, Araban historiaren izatea hoberen kontserbatu duenetariko bat da. XVI. mendean sute izugarri bat sufritu arren, bere Erdi Aroko egitura mantentzen da, harresien zati handi batekin eta bisitatzen diren tenpluekin batera: San Juan eta Andra Mariaren eliza gotikoak, eta San Martinen ermita erromanikoa, antzinako Agurain herriko arrasto bakarra dena. Bere kaleetatik paseatuz errenazimenduko jauregiak, antzinako judu-auzoa, eta olbeak (merkatuak egiteko arkupeak) ikusiko ditugu. Era honetan iraganeko eta egungo herria ezagutuko dugu, oraindik antzinako izaera dotorea mantentzen duena.