Araba mailan, Agurain/Salvatierrak bere eboluzio historikoa hobeto kontserbatu duen hiribilduen artean dago. Nahiz eta XVI. mendean sute izugarri bat sufritu, oraindik Erdi Aroko egitura, harresi gehienak eta bisitan zehar ikusten diren hiru tenpluak kontserbatzen ditu: San Joan eta Andra Mariaren eliza gotikoak, eta San Martinen ermita erromanikoa. Azken hori, antzinako Hagurahin herrixkaren arrasto bakarra da. Horrez gain, Aguraingo kaleetatik joango gara errenazimenduko jauregiak, antzinako judutegia, eta olbeak (merkatura joateko arkupeak) ezagutzeko. Horrela, iraganeko eta egungo Agurain/Salvatierra herri dotorearen hainbat aldaketa historiko ikusiko ditugu.