Ibilbide honek Arabako Erdi Aroko eliza ikusgarrienetako batzuk bisitatzeko aukera emango digu. Guztira, 4 eliza bisitatzen dira bi orduko blokeetan (11:00-12:30 eta 13:00-14:30). Gazeo eta Alaitzako elizen bisitak larunbat eta igandeetan egiten dira. Añua eta Arbulukoak, ordea, bakarrik larunbatetan.

Lautadako eliza margotuen bisita 11:00etan hasiko dugu Tourseko San Martin elizan. Euskal Herrian parekorik ez duen obra bere polikromien adierazkortasunagatik bereizten da. Ondoren, Lautadako obrarik enigmatiko eta harrigarrienetako batera hurbilduko gara, zehazki, Alaitzako Jasokundeko Andre Mariaren elizara. Barruan, almagrezko siluetaz egindako pintura misteriotsuak ikusiko ditugu. Haien bitxitasuna dela eta, pinturen esanahia egungo gaia da oraindik ere.

Bestalde, larunbatetan Añua eta Arbuluko elizak bisitatu daitezke. Bi tenpluen pintura muralak aurreko blokearen osagarri ezin hobea izango dira Arabako Lautadan gauzatutako pintura muralaren antzekotasunak ezagutzeko.

Igandeetan, berriz, Agurain ikusteko aukera dago. Herri harresitu eder honetan, San Martin ermita erromanikoa, Andra Mariaren eta San Joan elizak bisitatuko ditugu. Gainera, armarriz beteriko kaleetan zehar ibiliko gara.